Акафист иоанну кронштадтскому

Молитва Иоанну Кронштадтскому — мощный инструмент в руках верующего человека. Он помогает обзавестись покровительством святого именно тогда, когда это нужно больше всего.

  • В статье:

Молитва на помощь святого

Молитва Иоанну Кронштадтскому помогает в том, в чём широко был известен святой человек. Прежде всего это целительство, а потом уже совет, помощь, можно даже сказать предсказание.

О чём молятся Иоанну Кронштадтскому? С молитвой обращаются, когда не ладится со здоровьем, или срочно нужна удача в каком-нибудь деле. Потому что он исцеляет нас не только физически.

Он поможет «исцелить» дела, которые не ладятся, или наладить ваше душевное состояние. Придать удачи и спасти от греха.

Акафист Иоанну Кронштадтскому

Святой праведный Иоанн Кронштадтский

Ты же, отче праведный, велие дерзновение ко Господу и сострадание к ближним имея, умоли Всещедрого Владыку мира, да пробавит милость Свою на нас и потерпит неправдам нашим, не погубит нас грех ради наших, но время на покаяние милостивно нам дарует.

О святче Божий, помози нам веру Православную непорочно соблюсти и заповеди Божии благочестно сохранити, да не обладает нами всякое беззаконие, ниже посрамится Правда Божия в неправдах наших, но да сподобимся достигнуть кончины христианския, безболезненныя, непостыдныя, мирныя и Тайн Божиих причастныя.

Еще молим тя, отче праведне, о еже Церкви нашей Святей до скончания века утвержденной быти, Отечеству же нашему мир и пребывание испроси, от всех зол сохрани, да тако народи наши, Богом храними, в единомыслии веры и во всяком благочестии и чистоте, в лепоте духовнаго братства, трезвении и согласии свидетельствуют: яко с нами Бог! В Нем же и движемся и есмы, и пребудем во веки. Аминь.

Читая её в самые трудные моменты жизни, всегда можно рассчитывать на покровительство святого человека. Главное, только не забывайте, что жизнь нужно вести праведную, верную, стараясь не поддаваться всяческим соблазнам, которые могут сбить вас с пути. Нет лучшего оскорбления для святого покровителя, чем человек, который оставил праведный путь.

Молитва от пьянства

Акафист Иоанну КронштадтскомуМолитва Иоанну Кронштадтскому от пьянства часто произносится женщинами, которые уже устали бороться с пороками своих мужей. Ведь пьянство, или алкоголизм — страшная напасть, способная отравить существование как пьянице, так и всем, кто вокруг. Святой человек, святой целитель Иоанн Кронштадтский, поможет и при этом, глубоко душевном, недуге.

Ведь пьянство — тяжкий недуг. Недуг, который лечить намного сложнее, чем обычные, телесные болезни. Алкоголик просто не способен взять над пьянством контроль. Как он не может контролировать простуду, грипп, или ангину.

Он сможет их побороть только при помощи специальных препаратов. Вот и молитва — один из них. И один из самых эффективных. Ведь в её состав входят не химические компоненты, а чистая вера, да божья помочь.

Так что не стоит беспокоиться о побочных эффектах.

 Господи, призри милостиво на раба Твоего (имя), прельщенного лестью чрева и плотского веселья. Даруй ему (имя), познать сладость воздержания в посте и проистекающих от него плодов Духа. Аминь.

Для помощи необходимо взять ту еду, которую вы собираетесь подавать пьянице. Прочтите молитву трижды, не забывая воздевать руки над едой. После чего можете подавать ему тарелку — благодатная сила попадёт в него вместе с обедом. Делать так нужно не больше 2 раз в день, ведь лучше не злоупотреблять помощью святого человека. Такое попустительство может принести скверные плоды.

Сколько дней следует читать эту молитву — в зависимости от запущенности случая, и от того, насколько сильно вы верите в помощь свыше. В любом случае не рассчитывайте на моментальную помощь, ведь тут, как и с любой болезнью — нужно некоторое время. Главное, не теряйте веру в себя и в том, что небесные силы вам помогут.

 Молитва об исцелении

Акафист Иоанну КронштадтскомуПри жизни Иоанн был известен как великий целитель. Даже после смерти он продолжает помогать людям, посредством своих икон, мощей. И молитвы Иоанну Кронштадтскому об исцелении способны помочь. Так что обратится к его чудодейственной силе может каждый страждущий. Да, конечно, если просить о его заступничестве у мощей, то помощь будет сильнее.

Но когда нет другого выбора — молитва отлично подойдёт. Возносите её над больным и пусть он произносит её вместе с вами при каждом приёме лекарств. Даже тех, которые вам выписал врач. Между собой они не конфликтуют, так что никаких осложнений для состояния больного не будет. Какую же молитву нужно произносить?

Слава Тебе, Господи Иисусе Христе Сыне единородный безначального Отца, Едине исцеляй всякий недуг и всякую язю в людях, яко помиловал мяеси грешного и избавил есимя от болезни моея, не попустив ей развиться и умертвить меня по грехам моим. Даруй мне отныне, Владыка, силу твердо творить волю Твою во спасение души моей окаянной и во славу Твою со безначальным Твоим Отцем и единосущным Твоим Духом, ныне и присно и во веки веков. Аминь.

Святой Иоанн Кронштадтский и молитва ему способна помочь даже в самых запущенных, самых зловещих случаях. Даже тогда, когда, кажется, уже больше ничего не поможет. В этом его сила. Показывать, что надежда не мертва, даже когда всё вокруг рушится, а человеком завладевает полное отчаяние. Преклоните колени, прочитайте молитву. Вот увидите — вам тут же полегчает.

Это средство, испытанное многими поколениями людей, которые заметили чудодейственную силу подобных молитв.

Тем более что если вспомнить житие святого, можно найти там множество подтверждений тому, что нет безвыходных положений. Иоанн с самого рождения боролся за свою жизнь.

Он рос маленьким и хилым мальчиком, которому не давались науки. А закончил жизнь известным и святым человеком, который совершил много полезного всему человечеству.

Акафист Иоанну Кронштадтскому

Если нужно привлечь удачу, или изгнать из жизни тёмную полосу — необходимо обратиться к нескольким коротким молитвам, которые призывают на помощь святое лицо. Первая из них — Тропарь Иоанну Кронштадтскому, который часто можно услышать в церквях и храмах во время религиозных песнопений.

Православныя веры поборниче, земли Российския печальниче, пастырем правило и образе верным, покаяния и жизни во Христе проповедниче, Божественных Тайн благоговейный служителю и дерзновенный о людех молитвенниче, отче праведный Иоанне, целителю и предивный чудотворче, граду Кронштадту похвало и Церкве нашея украшение, моли Всеблагаго Бога умирити мир и спасти души наша.

И заканчивать такую молитву лучше Величанием Иоанну Кронштадтскому. Такое обращение поможет закрепить нужный результат. Да, можно и без него, но мало кто советует идти на такой шаг. Лучше потратить лишние пару секунд и закончить песнопение так, как нужно.

Величаем тя, святый праведный отче наш Иоанне, и чтим святую память твою: ты бо молиши за нас Христа, Бога нашего.

А если нужно привлечь внимание святого, если съедают тайные страхи и тяжкие трудности, то нужно использовать два очень масштабных песнопения. Такие чаще всего можно услышать от профессиональных священников, которые знают его наизусть. Это Акафист Иоанну Кронштадтскому и Канон Иоанну Кронштадтскому.

Акафист:

Избра́нный уго́дниче и пресла́вный чудотво́рче, о́тче пра́ведный Иоа́нне, гра́да Кроншта́дта пресла́вное украше́ние! Ты, от младе́нства Христу́ после́дуя, сораспя́тися Ему́ возжеле́л еси́и, жизнь твою́ в Нем утверди́в, дар чуде́с от Бо́га прия́л еси́ и сло́вом живоно́сным всех напита́л еси́. Мы же, недосто́йнии, благода́рне вопие́м ти:

Ра́дуйся, Иоа́нне, земли́ Росси́йския моли́твенниче преди́вный.

Канон:

  1. Песнь победную поим вси Богу, сотворшему дивная чудеса мышцею высокою
  2. и спасшему Израиля, яко прославися.

К таким вещам лучше подготовится. Они очень сложные, как для запоминания, так и для прочтения.

Тем более, лучше всего произносить их не самостоятельно, а с помощью добрых друзей или родных. Тех, кто готов помочь вам абсолютно безвозмездно.

И тех, у кого в сердце теплится вера в Бога нашего, Иисуса Христа и святую помощь Иоанна Кронштадтского (читайте его биографию).

Акафист Иоанну Кронштадтскому

Если всё-таки сомневаетесь, то обратитесь за помощью к местному священнику. Он попытается рассказать вам, как лучше всего провести это песнопение, или пригласит на службу, где оно будет произнесено. Главное — не переоценивайте своих сил.

Если появится хотя бы часть сомнения, то лучше не проводите таких масштабных вещей. Всего лишь одна ошибка, и всё придётся начинать сначала. Так что проведите обширную подготовку, постарайтесь отчиститься от неуверенности.

Пусть вера в божественное пройдёт через вас, подарит ощущение благоденствия.

Молитвы Иоанну Кронштадтскому помогут любому, кому нужно исцелить своё тело, душу, или поправить то, как идут его дела. Они придадут уверенности, помогут вернуть добрую удачу. Они спасают от греховного соблазна, помогая сохранить невинную чистоту своей души.

Источник: https://grimuar.ru/zagovoryi/health/ioann-krondshtatskiy-molitvyi.html

Акафист святому праведному Иоанну Кронштадтскому, чудотворцу (2-й)

Избра́нный уго́дниче и пресла́вный чудотво́рче, о́тче пра́ведный Иоа́нне, гра́да Кроншта́дта пресла́вное украше́ние! Ты, от младе́нства Христу́ после́дуя, сораспя́тися Ему́ возжеле́л еси́ и, жизнь твою́ в Нем утверди́в, дар чуде́с от Бо́га прия́л еси́ и сло́вом живоно́сным всех напита́л еси́. Мы же, недосто́йнии, благода́рне вопие́м ти:

Ра́дуйся, Иоа́нне, земли́ Росси́йския моли́твенниче преди́вный.

И́кос 1

  • А́нгела све́тла, еще́ о́трок сый, я́ве узре́л еси́, о́тче Иоа́нне, и́же и рече́ ти, я́ко повеле́нием Госпо́дним приста́влен храни́ти тя во всех путе́х твои́х. Те́мже я́ко избра́нника Бо́жия ве́дуще тя, взыва́ем си́це:
  • Ра́дуйся, благода́ти Бо́жия сосу́де избра́нный;
  • ра́дуйся, сло́вом Бо́жиим измла́да наста́вленный.
  • Ра́дуйся, во о́трочестве явле́ния А́нгела Храни́теля сподо́бивыйся;
  • ра́дуйся, от ю́ности води́тельству Ду́ха Свята́го преда́выйся.
  • Ра́дуйся, роди́телей боголюби́вых благоче́стие восприе́мый;
  • ра́дуйся, целому́дрием и чистото́ю себе́ огради́вый.
  • Ра́дуйся, духо́вным наста́вником твои́м всем се́рдцем внима́вый;
  • ра́дуйся, почита́нием роди́телей благоволе́ние Бо́жие стяжа́вый.
  • Ра́дуйся, Иоа́нне, земли́ Росси́йския моли́твенниче преди́вный.

Конда́к 2

Прови́дя, богоно́сне о́тче Иоа́нне, я́ко мно́гия беды́ и собла́зны гряду́т на Це́рковь Ру́сскую и ча́да Бо́жия гони́ма бу́дут, увеща́л еси́ лю́ди, глаго́ля: пока́йтеся, сто́йте в ве́ре Правосла́вней, крепи́теся и сла́вите Го́спода, взыва́юще Ему́: Аллилу́ия.

И́кос 2

  1. Ра́зумом Боже́ственным наставля́емь, всеблаже́нне о́тче Иоа́нне, све́том и́стиннаго Богопозна́ния всех, приходя́щих к тебе́, просвеща́л еси́.

    Мы же, писа́ньми твои́ми науча́еми, вопие́м ти такова́я:

  2. Ра́дуйся, ева́нгельския И́стины пла́менный служи́телю;
  3. ра́дуйся, глаго́лов жи́зни ве́чныя немо́лчный возвести́телю.

  4. Ра́дуйся, пра́ведным житие́м твои́м Бо́гу угоди́вый;
  5. ра́дуйся, Це́рковь Бо́жию писа́нии твои́ми просла́вивый.
  6. Ра́дуйся, Крест Христо́в пред очи́ма твои́ма вы́ну созерца́вый;
  7. ра́дуйся, сораспя́тися Христу́ вседу́шне возжела́вый.

  8. Ра́дуйся, Бо́га и бли́жних всем се́рдцем возлюби́вый;
  9. ра́дуйся, лю́дем, в ско́рбех и печа́лех су́щим, утеше́ние подава́вый.
  10. Ра́дуйся, Иоа́нне, земли́ Росси́йския моли́твенниче преди́вный.

Конда́к 3

Си́лою Боже́ственныя благода́ти, я́ко свети́льник многосве́тлый Правосла́вныя Це́ркве, во гра́де Кроншта́дте просия́л еси́, пра́ведне Иоа́нне, и лю́ди, во тьме грехо́вней седя́щия и собла́зном богобо́рчества смуща́емыя, просвети́в, наставля́л еси́ пе́ти Бо́гу: Аллилу́ия.

И́кос 3

  • Име́я любо́вь па́стырскую, пра́ведне о́тче Иоа́нне, поте́кл еси́ к лю́дем, не иму́щим кро́ва и хле́ба насу́щнаго и во отча́янии погиба́ющим, и сих любо́вию и милосе́рдием Христу́ приобре́л еси́. Мы же благода́рне взыва́ем ти си́це:
  • Ра́дуйся, в хра́ме Бо́жии дерзнове́нный о лю́дех моли́твенниче;
  • ра́дуйся, си́рым и вдови́цам ми́лостивый помо́щниче.
  • Ра́дуйся, окамене́нныя се́рдцем к покая́нию побужда́яй;
  • ра́дуйся, неве́дущия Бо́га Боже́ственною прему́дростию просвеща́яй.
  • Ра́дуйся, стропо́тных и злонра́вных ти́хое исправле́ние;
  • ра́дуйся, лени́вых и малове́рных ре́вностное обличе́ние.
  • Ра́дуйся, Ца́рствия Бо́жия и пра́вды его́ пропове́дниче неустраши́мый;
  • ра́дуйся, проти́ву ко́зней духо́в зло́бы поднебе́сных вои́телю неуста́нный.
  • Ра́дуйся, Иоа́нне, земли́ Росси́йския моли́твенниче преди́вный.

Конда́к 4

Бу́рю злоче́стия, воздвиза́ему на Це́рковь на́шу святу́ю, прови́дя, о́тче Иоа́нне, я́ко ве́рный страж до́му Госпо́дня, поуча́л еси́ ча́да Бо́жия бде́ти, во и́стинней ве́ре пра́во ходи́ти и в за́поведех Госпо́дних непоро́чно пребыва́ти, да спасе́т Госпо́дь лю́ди Своя́, в покая́нии Ему́ зову́щия: Аллилу́ия.

И́кос 4

  1. Слы́шаще лю́дие Бо́жии, я́ко ты еси́, о́тче Иоа́нне, сосу́д избра́нный и благода́тных даро́в преиспо́лненный, не то́кмо от Кроншта́дта, но и от всех конце́в земли́ к тебе́ притека́ху, я́ко да исцеле́ния и по́мощь улуча́т.

    С ни́ми же и мы, я́ко хода́таю пред Бо́гом те́плу, уми́льно зове́м ти:

  2. Ра́дуйся, се́ятелю пра́вды, а́лчущия жи́зни ве́чныя напита́вый;
  3. ра́дуйся, обличи́телю непра́вды, ве́рныя от пре́лести грехо́вныя огражда́вый.

  4. Ра́дуйся, заблу́ждшим и неразу́мным путь к Бо́гу указу́яй;
  5. ра́дуйся, писа́ньми твои́ми ча́да Бо́жия наставля́яй.
  6. Ра́дуйся, скорбя́щих и обремене́нных при́сное упова́ние;
  7. ра́дуйся, боля́щих и стра́ждущих благода́тное врачева́ние.

  8. Ра́дуйся, сосу́де избра́нный, да́ры Ду́ха Свята́го ди́вно укра́шенный;
  9. ра́дуйся, свети́льниче всесве́тлый, на све́щнице церко́внем Бо́гом поста́вленный.
  10. Ра́дуйся, Иоа́нне, земли́ Росси́йския моли́твенниче преди́вный.

Конда́к 5

Я́ко звезда́ многосве́тлая, священноле́пным житие́м твои́м просия́л еси́, па́стырю Христо́в Иоа́нне! Ты бо ста́до, Бо́гом вруче́нное тебе́, от волко́в, губя́щих е́, огражда́л еси́, взыва́я: пока́йтеся и жи́ви бу́дете, отыми́те лука́вство от душ ва́ших, да чи́стым се́рдцем Бо́га у́зрите и воспое́те Ему́: Аллилу́ия.

И́кос 5

  • Ве́дая мно́жество люде́й, утеше́ния ча́ющих, я́ко апо́стол Христо́в, обходи́л еси́ гра́ды и ве́си Росси́йския, чудотво́рче изя́щне, се́я сло́во Бо́жие, исцеля́я неду́жныя и малове́рныя исправля́я, быв всем вся, да вся́ко не́кия спасе́ши. Мы же боле́зни и труды́ твоя́ почита́юще, вопие́м ти си́це:
  • Ра́дуйся, я́ко си́лою благода́ти немощны́я укрепля́л еси́;
  • ра́дуйся, я́ко моли́твами твои́ми гре́шныя к покая́нию приводи́л еси́.
  • Ра́дуйся, а́лчущия и жа́ждущия по за́поведи Госпо́дни насыща́вый;
  • ра́дуйся, благове́стием Христо́вым лю́ди к пра́вде Бо́жией приводи́вый.
  • Ра́дуйся, моли́твами твои́ми малове́рныя в ве́ре укрепля́вый;
  • ра́дуйся, си́лою Бо́жиею немощны́м здра́вие подава́вый.
  • Ра́дуйся, зе́млю на́шу благогове́йно с про́поведию обходи́вый;
  • ра́дуйся, мир сей, я́ко прему́дрое творе́ние Бо́жие, воспева́вый.
  • Ра́дуйся, Иоа́нне, земли́ Росси́йския моли́твенниче преди́вный.

Конда́к 6

Пропове́дницы чу́дных дея́ний твои́х, блаже́нне Иоа́нне, яви́шася мно́зи: бога́тии и ни́щии, ста́рцы и ю́ноши, ты бо всем любо́вь твою́ излива́л еси́ бога́тно. Те́мже не то́кмо правосла́внии, но и инове́рнии си́лою моли́тв твои́х ми́лость Бо́жию обрета́ху, пою́ще Бо́гу: Аллилу́ия.

И́кос 6

  1. Возсия́л еси́ житие́м твои́м в Це́ркви Правосла́вней па́че сия́ния се́вернаго, блаже́нне Иоа́нне, путь пра́вый лю́дем указу́я.

    Те́мже моли́ Го́спода Сил, да любо́вь свята́я утверди́тся в сердца́х на́ших, да ни скорбь, ни теснота́, ни смерть, ни бла́га ми́ра сего́ возмо́гут разлучи́ти нас от любве́ Бо́жия, благода́рне тебе́ вопию́щих:

  2. Ра́дуйся, ве́ру Правосла́вную в чистоте́ храни́ти завеща́вый;
  3. ра́дуйся, те́сным путе́м за́поведей Христо́вых ходи́ти поуча́вый.
  4. Ра́дуйся, в ско́рбех и печа́лех су́щим ра́дость подава́вый;
  5. ра́дуйся, к и́стинному покая́нию гре́шники призыва́вый.
  6. Ра́дуйся, Бо́жиим смотре́нием гряду́щая нам возвеща́вый;
  7. ра́дуйся, от сете́й вра́жиих оте́чество на́ше огражда́вый.
  8. Ра́дуйся, мир с Бо́гом свя́то храни́ти запове́давый;
  9. ра́дуйся, сло́вом и́стины и любо́вию ве́рным лю́дем послужи́вый.
  10. Ра́дуйся, Иоа́нне, земли́ Росси́йския моли́твенниче преди́вный.

Конда́к 7

Хотя́ Всеблаги́й Госпо́дь спасти́ лю́ди земли́ на́шея и угото́вати я́ к же́ртвенному служе́нию, испо́лни тя, всеблаже́нне Иоа́нне, ду́ха проро́чества, прему́дрости и ра́зума, я́ко да, сло́вом твои́м наста́влени, во дни гряду́щих испыта́ний непоколеби́мо вопию́т Бо́гу: Аллилу́ия.

И́кос 7

  • Но́ваго избра́нника Бо́жия, всеблаже́нне Иоа́нне, ве́дуще тя боголюби́вии лю́дие, на всяк день Же́ртву безкро́вную принося́ща и со дерзнове́нием за всех Христу́ моля́щася, с ве́рою к тебе́ притека́ху и исцеля́хуся. Те́мже и мы, испо́лненнии твои́х благодея́ний, с любо́вию воспева́ем ти сицева́я:
  • Ра́дуйся, у Престо́ла Бо́жия приле́жный о нас моли́твенниче;
  • ра́дуйся, и́стиннаго покая́ния усе́рдный пропове́дниче.
  • Ра́дуйся, я́ко неле́ностно рабо́тати Христу́ Бо́гу нас наставля́еши;
  • ра́дуйся, я́ко стоя́ти на боже́ственней стра́жи нас призыва́еши.
  • Ра́дуйся, о́браз воздержа́ния и целому́дрия ве́рным яви́вый;
  • ра́дуйся, па́ству твою́ от ересе́й и раско́ла му́дре защити́вый.
  • Ра́дуйся, су́щих во тьме неве́дения ре́вностный просвети́телю;
  • ра́дуйся, душ челове́ческих от суеты́ жите́йския ди́вный огради́телю.
  • Ра́дуйся, Иоа́нне, земли́ Росси́йския моли́твенниче преди́вный.

Конда́к 8

Стра́нное чу́до ви́дим, явле́нное тебе́, преди́вный па́стырю Христо́в Иоа́нне! Тя бо и лю́ди ве́рныя Сама́ Пречи́стая Ма́ти Бо́жия я́ко миле́йшая ча́да Отца́ Небе́снаго нарече́. Сего́ ра́ди мы, си́ми словесы́ утеша́еми, вопие́м Царю́ веко́в: Аллилу́ия.

И́кос 8

Весь жела́нием Боже́ственным распаля́емь, любве́ Христо́вы преиспо́лнился еси́, па́стырю до́брый! Мы же, неради́вии, сокро́вищ ея́ не стяжа́вше, мно́гих скорбе́й и печа́лей досто́йни яви́хомся. Оба́че, ве́дуще тя помо́щника неусы́пна, со упова́нием взыва́ем ти си́це:

  1. Ра́дуйся, любве́ Христо́вы сосу́де избра́нный;
  2. ра́дуйся, явле́ния Бо́жия Ма́тере удосто́енный.
  3. Ра́дуйся, Це́ркве Христо́вы неугаса́ющий свети́льниче;
  4. ра́дуйся, о всем ми́ре хода́таю и печа́льниче.
  5. Ра́дуйся, ми́ра и пра́вды Бо́жия ревни́телю;
  6. ра́дуйся, благоче́стия и добронра́вия насади́телю.
  7. Ра́дуйся, Росси́йския Це́ркве похвало́ и украше́ние;
  8. ра́дуйся, земли́ на́шея благода́тное утвержде́ние.
  9. Ра́дуйся, Иоа́нне, земли́ Росси́йския моли́твенниче преди́вный.

Конда́к 9

Всем лю́дем, в неве́дении, ско́рбех и печа́лех су́щим, воздви́же тя Госпо́дь па́стыря и чудотво́рца преди́вна, о́тче Иоа́нне, е́же гре́шныя на путь пра́вый наста́вити, неве́рныя к Бо́гу обрати́ти и боля́щия исцели́ти, да согла́сно воспою́т вси спаси́тельную песнь: Аллилу́ия.

И́кос 9

  • Вети́и многовеща́нии безгла́сни бы́ша о благода́ти, да́нней тебе́, Иоа́нне преди́вне, егда́ сло́вом еди́нем лю́ди от греха́ к покая́нию приводи́л еси́, неду́жныя от одра́ боле́зни воздвиза́л еси́, бе́сы изгоня́л еси́. Мы же я́ко чудотво́рца и уго́дника Бо́жия прославля́ем тя си́це:
  • Ра́дуйся, страстьми́ одержи́мых ди́вный врачева́телю;
  • ра́дуйся, в долгонеду́жии су́щих безме́здный цели́телю.
  • Ра́дуйся, отпа́дшия к Бо́гу приводи́вый;
  • ра́дуйся, безбо́жныя гро́зно облича́вый.
  • Ра́дуйся, ка́ющихся кро́ткий наказа́телю;
  • ра́дуйся, ми́лостыни ще́дрый пода́телю.
  • Ра́дуйся, христиа́нскаго просвеще́ния и благоче́стия ре́вностный насади́телю;
  • ра́дуйся, ю́ных по стезя́м пра́вды му́дрый путеводи́телю.
  • Ра́дуйся, Иоа́нне, земли́ Росси́йския моли́твенниче преди́вный.

Конда́к 10

Спасти́ хотя́ лю́ди Росси́йския, ересьми́ и неве́рием соблазня́емыя, о́тче Иоа́нне, ко́зни бесо́вския обличи́л еси́ и правосла́вное испове́дание ве́ры тве́рдо яви́л еси́. Сего́ ра́ди Ца́рствия Небе́снаго дости́гл еси́, иде́же со А́нгелы и ли́ки святы́х непреста́нно о нас мо́лиши Бо́га и пое́ши Ему́: Аллилу́ия.

И́кос 10

  1. Стена́ тве́рда яви́лся еси́ лю́дем стра́ждущим, от всех конце́в земли́ Росси́йския к тебе́ приходя́щим, богоно́сне о́тче Иоа́нне.

    Те́мже и нас, бе́дствующих и немощству́ющих душе́ю и те́лом, укрепи́ моли́твами твои́ми, и́миже огражда́еми, прино́сим ти похвалы́ сия́:

  2. Ра́дуйся, свети́льниче неугаси́мый, огне́м Ду́ха Свята́го возжже́нный;
  3. ра́дуйся, кри́не благоуха́яй, росо́ю благода́ти Бо́жия напое́нный.

  4. Ра́дуйся, лозо́ многопло́дная, благода́тными да́ры ве́рных пита́ющая;
  5. ра́дуйся со́ле земли́, от грехо́внаго тле́ния нас сохраня́ющая.
  6. Ра́дуйся, в мо́ри жите́йстем обурева́емым ти́хое приста́нище;
  7. ра́дуйся, душе́вне и теле́сне изнемога́ющим благо́е вспоможе́ние.

  8. Ра́дуйся, сердцеве́дче прему́дрый, ве́рныя лю́ди от мудрова́ния ми́ра сего́ огражда́яй;
  9. ра́дуйся, се́ятелю Христо́в, се́янием ева́нгельским сердца́ мно́гих увеселя́яй.
  10. Ра́дуйся, Иоа́нне, земли́ Росси́йския моли́твенниче преди́вный.

Конда́к 11

Песнь достохва́льную прино́сим ти, о́тче Иоа́нне, всем житие́м твои́м Бо́га просла́вльшему. И я́коже на земли́ за всех и за вся Влады́ку ми́ра умоля́л еси́, си́це и ны́не на Небеси́ вознеси́ моли́твы твоя́, да во оте́чествии на́шем при́сно воспева́ется Бо́гу побе́дная песнь: Аллилу́ия.

И́кос 11

  • Светоза́рную свещу́ ве́мы тя, Бо́гом избра́нне о́тче Иоа́нне, ты бо и по отше́ствии от земны́х к Небе́сным у Престо́ла Бо́жия в со́нме святы́х и Сил а́нгельских о нас при́сно хода́тайствуеши. Сего́ ра́ди благода́рственно взыва́ем ти си́це:
  • Ра́дуйся, я́ко в по́двизе твое́м И́мя Пресвяты́я Тро́ицы ди́вно просла́вися;
  • ра́дуйся, я́ко благоче́стием и ве́рою твое́ю Це́рковь Христо́ва украси́ся.
  • Ра́дуйся, па́стырей богому́дрый наста́вниче;
  • ра́дуйся, и́нокинь до́брый учи́телю.
  • Ра́дуйся, супру́ги соу́з бра́чный свя́то храни́ти поуча́вый;
  • ра́дуйся, ча́да почита́ти роди́тели своя́ увещава́вый.
  • Ра́дуйся, я́ко сострада́нием твои́м к бли́жним ско́рби и печа́ли утоля́ются;
  • ра́дуйся, я́ко моли́твами твои́ми гре́шницы на путь спасе́ния обраща́ются.
  • Ра́дуйся, Иоа́нне, земли́ Росси́йския моли́твенниче преди́вный.

Конда́к 12

Благода́тных даро́в Ду́ха Свята́го испо́лни тя Госпо́дь, о́тче наш Иоа́нне, и́миже ре́вностно послужи́л еси́ наро́ду Бо́жию. Вознеси́ моли́тву к Бо́гу и о нас, да ве́ры, наде́жды и любве́ дости́гше, прича́стницы жи́зни во Христе́ бу́дем и сподо́бимся воспева́ти благода́рственную песнь: Аллилу́ия.

И́кос 12

  1. Пою́ще твое́ достохва́льное житие́ на земли́ и сла́ву, ю́же стяжа́л еси́ на Небеси́, о́тче Иоа́нне, притека́ем во оби́тель тобо́ю созда́нную и припа́даем к гробни́це твое́й, от нея́же исцеле́ния и по́мощь улуча́юще, возглаша́ем ти сицева́я:
  2. Ра́дуйся, пропове́дниче изря́дный, проро́ком и апо́столом до́бре поревнова́вый;
  3. ра́дуйся, па́стырю земли́ Росси́йския, Бо́гом избра́нный и просла́вленный.
  4. Ра́дуйся, оби́тель преподо́бнаго покрови́теля твоего́ Иоа́нна Ры́льскаго ди́вно устро́ивый;
  5. ра́дуйся, оби́телию се́ю град свята́го Петра́ сла́вно украси́вый.
  6. Ра́дуйся, в возсозда́нную оби́тель и́нокини собира́яй;
  7. Ра́дуйся, я́ко оте́ц чадолюби́вый, при́сное попече́ние о них име́яй.
  8. Ра́дуйся, всем притека́ющим к тебе́ ско́рое вспоможе́ние подава́яй;
  9. ра́дуйся, о́браз до́браго па́стыря сло́вом, житие́м и ве́рою нам яви́вый.
  10. Ра́дуйся, Иоа́нне, земли́ Росси́йския моли́твенниче преди́вный.

Конда́к 13

О святы́й пра́ведный о́тче Иоа́нне, всеросси́йский свети́льниче и преди́вный чудотво́рче! Приими́ хвале́бное сие́ пе́ние на́ше и умоли́ Христа́ Бо́га Це́рковь Святу́ю в благоче́стии утверди́ти, еди́нство в сою́зе ми́ра и любве́ Христо́вы соблюсти́, да и мы воспое́м с тобо́ю Бо́гу: Аллилу́ия.

Сей конда́к глаго́лется три́жды. И па́ки чте́тся 1-й и́кос и 1-й конда́к.

Моли́тва

О вели́кий чудотво́рче и преди́вный уго́дниче Бо́жий, богоно́сне о́тче Иоа́нне! При́зри на нас и внемли́ благосе́рдно моле́нию на́шему, я́ко вели́ких дарова́ний сподо́би тя Госпо́дь, да хода́тай и при́сный моли́твенник за нас бу́деши.

Се бо, страстьми́ грехо́вными обурева́еми и зло́бою снеда́еми, за́поведи Бо́жия пренебрего́хом, покая́ния серде́чнаго и слез воздыха́ния не принесо́хом, сего́ ра́ди мно́гим ско́рбем и печа́лем досто́йни яви́хомся.

Ты же, о́тче пра́ведне, ве́лие дерзнове́ние ко Го́споду и сострада́ние к бли́жним свои́м име́я, умоли́ Всеще́драго Влады́ку ми́ра, да проба́вит ми́лость Свою́ на нас и потерпи́т непра́вдам на́шим, не погуби́т нас грех ра́ди на́ших, но вре́мя на покая́ние ми́лостивно нам да́рует.

О свя́тче Бо́жий, помози́ нам ве́ру правосла́вную непоро́чно соблюсти́ и за́поведи Бо́жия благоче́стно сохрани́ти, да не облада́ет на́ми вся́кое беззако́ние, ниже́ посрами́тся пра́вда Бо́жия в непра́вдах на́ших, но да сподо́бимся дости́гнути кончи́ны христиа́нския, безболе́зненныя, непосты́дныя, ми́рныя и Та́ин Бо́жиих прича́стныя.

Еще́ мо́лим тя, о́тче пра́ведне, о е́же Це́ркви на́шей Святе́й до сконча́ния ве́ка утвержде́нней бы́ти, Оте́честву же на́шему мир и пребыва́ние в пра́вде Бо́жией испроси́ и от всех зол сохрани́, да та́ко наро́ди на́ши, Бо́гом храни́ми, в единомы́слии ве́ры и во вся́ком благоче́стии и чистоте́, в ле́поте духо́внаго бра́тства, трезве́нии и согла́сии свиде́тельствуют: я́ко с на́ми Бог! В Не́мже живе́м, и дви́жемся, и есмы́, и пребу́дем во ве́ки. Ами́нь.

И́на моли́тва

О святы́й пра́ведный о́тче Иоа́нне, всеросси́йский свети́льниче и преди́вный чудотво́рче! Ты от младе́нческих лет Бо́гом избра́н был еси́ и, ду́хом пламене́я, я́ко и́стинный па́стырь, житие́м, сло́вом, любо́вию, ве́рою, чистото́ю лю́дем послужи́л еси́.

Сего́ ра́ди мо́лим тя, пра́ведный о́тче: моли́ Человеколю́бца Бо́га Це́рковь Святу́ю ми́ром и тишино́ю огради́ти, зе́млю Росси́йскую во благоде́нствии сохрани́ти, па́стыри благода́ти и и́стины преизоби́льно испо́лнити, вла́сти умудри́ти, правосла́вное во́инство укрепи́ти, немощны́я исцели́ти, развраще́нныя испра́вити, ю́ныя воспита́ти, ста́рцы и вдови́цы уте́шити и нам всем во Ца́рствии Небе́снем сподо́битися со все́ми святы́ми прославля́ти Отца́ и Сы́на и Свята́го Ду́ха, ны́не и при́сно, и во ве́ки веко́в. Ами́нь.

Источник: https://azbyka.ru/days/caa/760

Акафист святому, праведному Иоанну пресвитеру и чудотворцу Кронштадтскому

Избранному чудотворцу, предивному иерею Божию, праведному Иоанну, скорому помощнику страждущим и болящим, похвалу ныне принесем. Ты же, яко имевый велие дерзновение ко Господу еще на земли, ныне на небеси умоли Его благость о нас, во юдоли земной бедствующих, да благодарне тебе воззовем: Радуйся, отче наш Иоанне, земли Российския молитвенниче и чудотворче предивный. 

  • Ангелом хранителем от детства водимый и от него молитвы непрестанныя творити наученный, ты молитвенник дерзновенный явился еси о людех Божиих, помощи у тебя просящих; темже, ведуще тя молитвенника крепка, вопием ти: Радуйся, от юности молитве навыкнувый, Радуйся, в пламенней молитве разумети учение дар получивый; Радуйся, покаянием непрестанным сердце свое очищавый; Радуйся, сего ради велие дерзновение в прошениях твоих ко Господу стяжавый; Радуйся, в простоте сердца всякое прошение о людех Господу приносивый; Радуйся, за простоту веры и смирение просимое всегда от Господа получавый;
  • Радуйся, отче наш Иоанне, земли Российския молитвенниче и чудотворче предивный. 

Видя, яко Бог скоро послушает молящихся Ему с верою, ты прилежал еси деланию сему, в немже восходящу ти от силы в силу, яви тя Господь дерзновенна молитвенника о всех людех. Ты же, имея в сердце устроение сие, воспевал еси Богу: Аллилуия. 

  1. Разум знанием Божественнаго писания просвещен имея и уставы церковныя от родительницы хранити наученный, ты всем верным был образом послушания святей Церкви, темже и мы, тебе в сем послушании последовати желающее, поем ти: Радуйся, уставов церковных непреклонный хранителю; Радуйся, заповедей евангельских пламенный ренителю; Радуйся, образ кротости и смирения всем являй; Радуйся, подвигу сострадания и милосердия твоего всех последовати призываяй; Радуйся, многия нищия обогативый; Радуйся, скорбящия и страждущия утешивый;
  2. Радуйся, отче наш Иоанне, земли Российския молитвенниче и чудотворче предивный. 

Силою благодати облеченный, пастырем добрым града Кронштадта поставлен был еси, отче, идеже ты сораспялся еси Христу за люди, вверенныя тебе; болезнуя о падениях их и предстательствуя о них в Божественной евхаристии, ты вопиял еси выну Богу: Аллилуиа. 

  • Имея богатство благодати, чудеснее получаемое в причащении святых Таин, ты к сему непрестанно призывал еси люди вся; и ныне, сердцами, оживотренными сими тайнами, поют они тебе таковая: Радуйся, черпати богатство неизреченное в причащении святых Таин Христовых вся приглашаяй; Радуйся, всегда благодарение приносити о сих тайнах напоминаяй; Радуйся, к тем приступати с покаянием, верою и любовию призываяй; Радуйся, яко в тех находити источник животворящий указуяй; Радуйся, хладности избавляти научаяй; Радуйся, неверия при сем избегати предостерегаяй;
  • Радуйся, отче наш Иоанне, земли Российския молитвенниче и чудотворче предивный. 

Бурю злых напастей претерпел еси, отче наш Иоанне, егда супружница твоя и архиерей лету тому не имели веры в подвиг твой. Ты же благодушно о Господе вся сия терпел еси, не преставая шествовати стезею заповедей Господних и поя Ему велегласно: Аллилуия. 

Слышаше нецые о подвизех твоих и молитвах, недоумеваху, какова кончина будет твоя. Ты же, неизменно в творении заповедей пребывая, смиренно отвещал еси, да кончины пождут твоея.

Мы же, дивящеся смирению твоему, вопием: Радуйся, непреклонне на камени заповедей Христовых стоявый; Радуйся, высокия чином удовлити человекоугодием не пожелавый; Радуйся, на суд архиерейский по навету призванный; Радуйся, яко клеветническая писания, тебе на суд вшедшу, листом белым обретошася; Радуйся, яко молитвою твоею писания на нем возобновишася; Радуйся, яко того ради познана бысть праведность жития твоего о Господе;

Радуйся, отче наш Иоанне, земли Российския молитвенниче и чудотворче предивный. 

Божественный свет озаряще душу, егда приобщашеся святых Таин Христовых, и той свет осияваше не токмо тебе самаго, но и всякую душу, из рук твоих причащенную. И тако облагодаствованная душа воспевала немолчно: Аллилуиа. 

  1. Видя враг человеческаго рода ревность твою ко служению Божественныя литургии, смущающее душу твою при совершении службы сия; но ты имея в душе образ покаяния и крепкое борение с помыслами, глубиною молитвенною побеждал тоя; сего ради и мы тебе зовем: Радуйся, яко молитвенным борением с помыслами победу над врагом стяжал еси; Радуйся, яко не токмо к сей борьбе, но и к покаянию глубочайшему всех призывал еси; Радуйся, в писаниих твоих нам образ к борению оставивый; Радуйся, радость в исполнении заповедей Божиих в них нам показавый; Радуйся, теми поучаяй нас имети трезвение; Радуйся, во всем показуяй о Господе разсуждение
  2. Радуйся, отче наш Иоанне, земли Российския молитвенниче и чудотворче предивный. 

Проповедуя непрестанно слово Божие, отче Иоанне, ты всех людей земли русской призывал еси к покаянию, да исправят житие свое о Господе, да не постигнет их гнев Божий за беззакония; но тыя не внимаху тебе и не восхотеша пети Богу: Аллилуиа. 

  • Возсиял еси яко пророк во отечестве своем, емуже не бе чести, понеже не внимаху людие тебе; сего ради постиже лютое испытание землю русскую, о нейже ты зело болезновал еси. Мы же, зрящее пророчества твоя сбывшаяся, глаголем ти таковая: Радуйся, наделенный Господом даром прозрения; Радуйся, всех умоляй: берегитесь соблазнов, да избегнем лютаго искушения; Радуйся, беды грядущия на землю русскую предзревый; Радуйся, твердо всегда стояти в вере православной всем велевый; Радуйся, православныя веры поборниче крепкий; Радуйся, ересей и лжеучений обличителю твердый;
  • Радуйся, отче наш Иоанне, земли Российския молитвенниче и чудотворче предивный. 

Хотя душу свою спасти и ближних ко спасению направити, прежде молитвою, трезвением и борением за чистоту сердца подвизался еси, нам же образ богомыслия твоего в писаниих оставил еси, да научении тобою, шествующе по стезям твоим, поем Богу: Аллилуиа. 

  1. Нова видя тя чудотворца, яко молитвою твоею больные исцелеваху, бесные свобождахуся, вси людие немощные и обременные к тебе притекаху, да молитву о них сотвориши, и по сей ослабу и исцеление обретшее, вопияху благодарне тебе: Радуйся, молитвенниче теплый и милосердый; Радуйся, чудотворче предивный; Радуйся, заступниче странных и убогих; Радуйся, залог здравия тела и души в таинстве причащения ведати научаяй; Радуйся, сего ради к покаянию всех призываяй; Радуйся, исправлением жизни благодарении Господу приносити повелеваяй;
  2. Радуйся, отче наш Иоанне, земли Российския молитвенниче и чудотворче предивный. 

Странно и непостижне услышал еси пресладкий глас Владычицы Пречистыя, рекшия: «Вы – милейшая чада Отца Небеснаго». Сего ради исполнился еси весь трепета сладастнаго и возопил еси Богу: Аллилуиа. 

  • Все желание твое бысть во еже бытии единем с Господем, да будет делом слово пророческое: прилепляйся Господеви един дух с Господем есть. И бысть слово сие делом в тебе; сего ради вопием: Радуйся, непрестанно стремивыйся с Господем пребывати; Радуйся, сего ради сердце свое не престававый очищати; Радуйся, Божественную литургию во всяк день совершавый; Радуйся, в причащении святых Таин силу духовную обретавый; Радуйся, еюже всех обогативый; Радуйся, силою тою чудеса творивый;
  • Радуйся, отче наш Иоанне, земли Российския молитвенниче и чудотворче предивный. 

Все слышавшие о тебе удивляхуся, яко не токмо приведенным больным исцеления подавал еси, но и далече сущим, о нихже писаху тебе, и тайно призываху тя, и тыя благодати сия не лишении быша. Сего ради вси исцелении, зрящее силу Божию, чрез тебя подаваемую, пояху Богу:Аллилуиа. 

  1. Витии суемудреннии дерзаху хулити силу Божию, в тебе действующую, и искушаху тя; вразумлении же наказанием Божиим, принося покаяние, вопияху: Радуйся, яко истинно силою Божиею чудеса содеваеши; Радуйся, яко теми чудесы всех к покаянию обращаеши; Радуйся, яко тобою наказуемии, раскаявшиеся, твоею же молитвою исцелении, на путь истинный оттоле направляхуся; Радуйся, яко призыванные тобою к покаянию не токмо телом, но и душею исцелеваху; Радуйся, непрестанным попечением о бедных заповедь милосердия исполнивый; Радуйся, всем житием твоим заповедь о любви к ближнему показавый;
  2. Радуйся, отче наш Иоанне, земли Российския молитвенниче и чудотворче предивный. 

Спасительный путь избравый от юности твоея и даже до конца не ослабивый стремления твоего и шествия по узкому пути, в последния же дни к сему и мученический венец тебе приложися, но ты вся сия претерпевал еси, яко от Божия десницы, поя Ему : Аллилуия. 

  • Стена и оплот многим был еси во дни жития твоего, егда неимущим помогал еси, бедствующих утешал еси, больных исцелял еси, падших возставлял еси, храмы воздвигал еси, обители устроял еси. Сего ради весь сонм обогащенных тобою вопиет тебе: Радуйся, вдов и сирот питателя; Радуйся, за падших предстателя; Радуйся, болящих душею и телом целителю; Радуйся, обителей невест Христовых строителю; Радуйся, неусыпный о них попечителю; Радуйся, всем вся бывый, да всяко неких ко Христу приведешь;
  • Радуйся, отче наш Иоанне, земли Российския молитвенниче и чудотворче предивный. 

Пение непрестанное и благодарственное присносим мы о тебе святей Троице, за еже даровала нам таковаго милостиваго предстателя и поем Ей: Аллилуия. 

  1. Светильниче пресветлый, украшением Церкви Русской Православной явился еси ты, святый праведный отче наш Иоанне; ты и по смерти твоей источаеши всем с верою приходящим ко гробнице твоей исцеления, дареуши утешение и различныя просимыя нужды удовляеши. Сего ради вопием ти: Радуйся, яко во многия темныя лета не преста ходатайство твое о граде и людех твоих; Радуйся, яко солнце возсиявый ныне на небе церковнем; Радуйся, яко паки, якоже и древле, людие Божии обретают у раки твоея утешение; Радуйся, яко тамо у всех исторгаеши о грехах сокрушение; Радуйся, яко паки в детище твоем, святой обители Иоанновой, безкровная жертва приносится; Радуйся, яко тамо тебе фимиам и молитвы возносятся; Радуйся, яко паки в той многия невесты Христовы обретают спасение; Радуйся, яко об обители той ты являеши непрестанное попечение;
  2. Радуйся, отче наш Иоанне, земли Российския молитвенниче и чудотворче предивный. 

Благодати тезоимените, испроси нам сию от Господа, да очщеннии покаянием и таинством причащения, чистым сердцем восхвалим подвиги твоя и тя прославившему Богу воспоим: Аллилуиа 

  • Поющее твое прославление, вемы, яко и поныне имеем тя многомощна молитвенника и печальника о земле Русской, о нашем же спасении ходатая непреложна; и благодаряще о сем Господа, тебе благодарне воспеваем: Радуйся, к любви Господней всех нас призываяй; Радуйся, за ближняго с любовию душу свою полагавый; Радуйся, любовию озаренный, Господа в житии своем словом и делом прославлявый; Радуйся, «имя Тебе Любовь» непрестанно ко Господу взывавый; Радуйся, «чрез ту любовь не отвергни мене заблуждающегося» – вопиял еси Ему; Радуйся и нас, заблуждающихся, тою любовию озарив, стаду сопричти своему;
  • Радуйся, отче наш Иоанне, земли Российския молитвенниче и чудотворче предивный. 

О, святый праведный отче наш Иоанне! Любовию твоею озари нас, грешных и немощных, поющих тебе сие малое пение и помози нам принести достойные плоды покаяния; перед кончиною же сподоби нас бытии причастниками святых Христовых Таин, да непрестанно поем с тобою на небесех хвалебную песнь Богу: Аллилуиа! 

О Великий угодниче Христов, Святый праведный отче Иоанне Кронштадтский, пастырю дивный, скорый помощниче и милостивый предстателю! Вознося славословие Триединому Богу, ты молитвенно взывал: «Имя Тебе – Любовь: не отвергни меня, заблуждающагося. Имя Тебе – Сила: укрепи меня, изнемогающаго и падающаго. Имя Тебе – Свет: просвети душу мою, омраченную житейскими страстями.

Имя Тебе – Мир: умири мятущуюся душу мою. Имя Тебе – Милость: не переставай миловать меня». Ныне благодарная твоему предстательству всероссийская паства молится тебе: Христоименитый и праведный угодниче Божий! Любовию твоею озари нас грешных и немощных, сподоби нас принести достойные плоды покаяния и неосужденно причащатися Святых Христовых Таин.

Силою твоею веру в нас укрепи, в молитве поддержи, недуги и болезни исцели, от напастей, врагов видимых и невидимых избави.

Светом лика твоего служителей и предстоятелей олтаря Христова на святыя подвиги пастырского делания подвигни, младенцем воспитание даруй, юность настави, старость поддержи, святыни храмов и святыя обители озари! Умири, чудотворче и провидче преизряднейший, народы страны нашея; благодатию и даром Святаго Духа избави от междоусобныя брани, расточенныя собери, прельщенныя обрати и совокупи Святей Соборней и Апостольстей Церкви. Милостию твоею супружества в мире и единомыслии соблюди, монашествующим в делах благих преуспеяние и благословение даруй, малодушныя утеши, страждуших от духов нечистых свободи, в нуждах и обстояниих сущих помилуй и всех на пусть спасения настави.

Во Христе живый, отче наш Иоанне, приведи нас к Невечернему Свету жизни вечныя, да сподобимся с тобою вечнаго блаженства, хваляще и превозносяще Бога во веки веков. АМИНЬ. 

При использовании материалов библиотеки ссылка на источник обязательна.

Преобразование в форматы epub, mobi, fb2  “Православие и мир. Электронная библиотека” (lib.pravmir.ru).

Источник: https://lib.pravmir.ru/library/readbook/2334

Акафист святому праведному Иоанну Кронштадтскому

Кондак 1

Избранный угодниче и преславный чудотворче, отче праведный Иоанне, града Кронштадта преславное украшение! Ты, от младенства Христу последуя, сораспятися Ему возжелел еси и, жизнь твою в Нем утвердив, дар чудес от Бога приял еси и словом живоносным всех напитал еси. Мы же, недостойнии, благодарив вопием ти:

  • Радуйся, Иоанне, земли Российский молитвенниче предивный.
  • Икос 1
  • Ангела светла, ещё отрок сый, яве узрел еси, отче Иоанне, иже и рече ти, яко повелением Господним приставлен хранити тя во всех путех твоих. Темже, яко избранника Божия, ведуще тя, взываем сице:
  • Радуйся, благодати Божия сосуде избранный;
  • радуйся, словом Божиим измлада наставленный.
  • Радуйся, во отрочестве явления Ангела Хранителя сподобивыйся;
  • радуйся, от юности водительству Духа Святаго предавыйся.
  • Радуйся, родителей боголюбивых благочестие восприемый;
  • радуйся, целомудрием и чистотою себе оградивый.
  • Радуйся, духовным наставником твоим всем сердцем внимавый;
  • радуйся, почитанием родителей благоволение Божие стяжавый.
  • Радуйся, Иоанне, земли Российския молитвенниче предивный.
  • Кондак 2
  • Провидя, богоносне отче Иоанне, яко многия беды и соблазны грядут на Церковь Русскую и чада Божия гонима будут, увещал еси люди, глаголя: покайтеся, стойте в вере Православней, крепитеся и славите Господа, взывающе Ему: Аллилуиа.
  • Икос 2
  • Разумом Божественным наставляемь, всеблаженне отче Иоанне, светом истиннаго Богопознания всех, приходящих к тебе, просвещал еси. Мы же, писаньми твоими научаеми, вопием ти таковая:
  • Радуйся, евангельский Истины пламенный служителю;
  • радуйся, глаголов жизни вечныя немолчный возвестителю.
  • Радуйся, праведным житием твоим Богу угодивый;
  • радуйся, Церковь Божию писании твоими прославивый.
  • Радуйся, Крест Христов пред очима твоима выну созерцавый;
  • радуйся, сораспятися Христу вседушне возжелавый.
  • Радуйся, Бога и ближних всем сердцем возлюбивый;
  • радуйся, людем, в скорбех и печалех сущим, утешение подававый.
  • Радуйся, Иоанне, земли Российский молитвенниче предивный.
  • Кондак 3
  • Силою Божественный благодати, яко светильник многосветлый Православный Церкве, во граде Кронштадте просиял еси, праведне Иоанне, и люди, во тьме греховней седящия и соблазном богоборчества смущаемыя, просветив, наставлял еси пети Богу: Аллилуиа.
  • Икос 3
  • Имея любовь пастырскую, праведне отче Иоанне, потекл еси к людем, неимущим крова и хлеба насущнаго и во отчаянии погибающим, и сих любовию и милосердием Христу приобрел еси. Мы же благодарне взываем ти сице:
  • Радуйся, в храме Божием дерзновенный о людех молитвенниче;
  • радуйся, сирым и вдовицам милостивый помощниче.
  • Радуйся, окамененныя сердцем к покаянию побуждали;
  • радуйся, неведущия Бога Божественною премудростию просвещаяй.
  • Радуйся, стропятных и злонравных тихое исправление;
  • радуйся, ленивых и маловерных ревностное обличение.
  • Радуйся, Царствия Божия и правды его проповедниче неустрашимый;
  • радуйся, противу козней духов злобы поднебесных воителю неустанный.
  • Радуйся, Иоанне, земли Российский молитвенниче предивный.
  • Кондак 4
  • Бурю злочестия, воздвизаему на Церковь нашу святую, провидя, отче Иоанне, яко верный страж дому Господня, поучал еси чада Божия бдети, во истинней вере право ходити и в заповедех Господних непорочно пребывати, да спасет Господь люди Своя, в покаянии Ему зовущия: Аллилуиа.
  • Икос 4
  • Слышаще людие Божий, яко ты еси, отче Иоанне, сосуд избранный и благодатных даров преисполненный, не токмо от Кронштадта, но и от всех концев земли к тебе притекаху, яко да исцеления и помощь улучат. С нимиже и мы, яко ходатаю пред Богом теплу, умильно зовем ти:
  • Радуйся, сеятелю правды, алчущия жизни вечный напитавый;
  • радуйся, обличителю неправды, верный от прелести греховныя ограждавый.
  • Радуйся, заблудшим и неразумным путь к Богу указу яй;
  • радуйся, писаньми твоими чада Божия наставляяй.
  • Радуйся, скорбящих и обремененных присное упование;
  • радуйся, болящих и страждущих благодатное врачевание.
  • Радуйся, сосуде избранный, дарами Духа Святаго дивно украшенный;
  • радуйся, светильниче всесветлый, на свещнице церковнеу Богом поставленный.
  • Радуйся, Иоанне, земли Российския молитвенниче предивный.
  • Кондак 5

Яко звезда многосветлая, священнолепным житием твоим просиял еси, пастырю Христов Иоанне! Ты бо, стадо Богом врученное тебе, от волков, губящих е, ограждал еси, взывая: покайтеся и живи будете, отымите лукавство от душ ваших, да чистым сердцем Бога узрите и воспоете Ему: Аллилуиа.

  1. Икос 5
  2. Ведая множество людей, утешения чающих, яко апостол Христов, обходил еси грады и веси Российския, чудотворче изящне, сея слово Божие, исцеляя недужныя и маловерныя исправляя, быв всем вся, да всяко некия спасутся. Мы же, болезни и труды твоя почитающе, вопием ти сице:
  3. Радуйся, яко силою благодати немощный укреплял еси;
  4. радуйся, яко молитвами твоими грешныя к покаянию приводил еси.
  5. Радуйся, алчущия и жаждущия по заповеди Господней насыщавый;
  6. радуйся, благовестием Христовым люди к правде Божией приводивши.
  7. Радуйся, молитвами твоими маловерный в вере укреплявый;
  8. радуйся, силою Божиею немощным здравие подававый.
  9. Радуйся, землю нашу благоговейно с проповедию обходивый;
  10. радуйся, мир сей, яко премудрое творение Божие, воспевавый.
  11. Радуйся, Иоанне, земли Российския молитвенниче предивный.
  12. Кондак 6

Проповедницы чудных деяний твоих, блаженне Иоанне, явишася мнози: богатии и нищий, старцы и юноши, ты бо всем любовь твою изливал еси богатно. Темже не токмо православнии, ко и иновернии силою молитв твоих милость Божию обретаху, поюще Богу: Аллилуиа.

  • Икос 6
  • Возсиял еси житием твоим в Церкви Православней паче сияния севернаго, блаженне Иоанне, путь правый людем указуя. Темже моли Господа сил, да любовь святая утвердится в сердцах наших, во еже ни скорбь, ни теснота, ни смерть, ни блага мира сего возмогут разлучити нас от любве Божия, благодарне тебе вопиющих:
  • Радуйся, веру Православную в чистоте хранити завещавый;
  • радуйся, тесным путем заповедей Христовых ходити поучавый.
  • Радуйся, в скярбех и печалех сущим радость подававый;
  • радуйся, к истинному покаянию грешники призывавый.
  • Радуйся, Божиим смотрением грядущая нам возвещавый;
  • радуйся, от сетей вражиих отечество наше ограждавый.
  • Радуйся, мир с Богом свято хранити заповедавый;
  • радуйся, словом истины и любовию верным людем послуживый.
  • Радуйся, Иоанне, земли Российский молитвенниче предивный.
  • Кондак 7
  • Хотя Всеблагий Господь спасти люди земли нашея и уготовати я к жертвенному служению, исполни тя, всеблаженне Иоанне, духа пророчества, премудрости и разума, яко да, словом твоим наставлени, во дни грядущих испытаний непоколебимо вопиют Богу: Аллилуиа.
  • Икос 7
  • Новаго избранника Божия, всеблаженне Иоанне, ведуще тя боголюбивии людие, на всяк день Жертву безкровную приносяща и со дерзновением за всех Христу молящася, с верою к тебе притекаху и исцеляхуся. Темже и мы, исполненнии твоих благодеяний, с любовию воспеваем ти сицевая:
  • Радуйся, у Престола Божия прилежный о нас молитвенниче;
  • радуйся, истиннаго покаяния усердный проповедниче.
  • Радуйся, яко неленостно работати Христу Богу нас наставляеши;
  • радуйся, яко стояти на божественней стражи нас призываеши.
  • Радуйся, образ воздержания и целомудрия верным явивый;
  • радуйся, паству твою от ересей и раскола мудре защитивый.
  • Радуйся, сущих во тьме неведения ревностный просветителю;
  • радуйся, душ человеческих от суеты житейския дивный оградителю.
  • Радуйся, Иоанне, земли Российския молитвенниче предивный.
  • Кондак 8

Странное чудо видим, явленное тебе, предивный пастырю Христов Иоанне! Тя бо и люди верныя Сама Пречистая Мати Божия яко милейшая чада Отца Небеснаго нарече.2 Сего ради мы, сими словесы утешаеми, вопием Царю веков: Аллилуиа.

Икос 8

Весь желанием Божественным распаляемь, любве Христовы преисполнился еси, пастырю добрый! Мы же, нерадивии, сокровищ ея не стяжавше, многих скорбей и печалей достойни явихомся. Обаче, ведуще тя помощника неусыпна, со упованием взываем ти сице:

  1. Радуйся, любве Христовы сосуде избранный;
  2. радуйся, явления Божия Матере удостоенный.
  3. Радуйся, Церкве Христовы неугасающий светильниче;
  4. радуйся, о всем мире ходатаю и печальниче.
  5. Радуйся, мира и правды Божия ревнителю;
  6. радуйся, благочестия и добронравия насадителю.
  7. Радуйся, Российския Церкве похвал о и украшение;
  8. радуйся, земли нашея благодатное утверждение.
  9. Радуйся, Иоанне, земли Российския молитвенниче предивный.
  10. Кондак 9
  11. Всем людем, в неведении, скорбех и печалех сущим, воздвиже тя Господь пастыря и чудотворца предивна, отче Иоанне, еже грешныя на путь правый наставити, неверный к Богу обратити и болящия исцелити, да согласно воспоют вси спасительную песнь: Аллилуиа.
  12. Икос 9
  13. Витии многовещаннии безгласни быша о благодати данней тебе, Иоанне предивне, егда словом единем люди от греха к покаянию приводил еси, недужныя от одра болезни воздвизал еси, бесы изгонял еси. Мы же, яко чудотворца и угодника Божия, прославляем тя сице:
  14. Радуйся, страстьми одержимых дивный врачевателю;
  15. радуйся, в долгонедужии сущих безмездный целителю.
  16. Радуйся, отпадшия к Богу приводивый;
  17. радуйся, безбожныя грозно обличавый.
  18. Радуйся, кающихся кроткий наказателю;
  19. радуйся, милостыни щедрый подателю.
  20. Радуйся, христианскаго просвещения и благочестия ревностный насадителю;
  21. радуйся, юных по стезям правды мудрый путеводителю.
  22. Радуйся, Иоанне, земли Российския молитвенниче предивный.
  23. Кондак 10

Спасти хотя люди Российския, ересьми и неверием соблазняемыя, отче Иоанне, козни бесовския обличил еси и православное исповедание веры твердо явил еси. Сего ради Царствия Небеснаго достигл еси, идеже со Ангелы и лики святых непрестанно о нас молиши Бога и поеши Ему: Аллилуиа.

  • Икос 10
  • Стена тверда явился еси людем страждущим, от всех концев земли Российския к тебе приходящим, богоносне отче Иоанне. Темже и нас, бедствующих и немощствующих душею и телом, укрепи молитвами твоими, ими же ограждаемы, приносим ти похвалы сия:
  • Радуйся, светильниче неугасимый, огнем Духа Святаго возжженный;
  • радуйся, крине благоухающий, росою благодати Божия напоенный.
  • Радуйся, лозо многоплодная, благодатными дары верных питающая;
  • радуйся, соле земли, от греховнаго тления нас сохраняющая.
  • Радуйся, в мори житейстем обуреваемым тихое пристанище;
  • радуйся, душевне и телесне изнемогающим благое вспоможение.
  • Радуйся, сердцеведче премудрый, верныя люди от мудрования мира сего ограждаяй;
  • радуйся, сеятелю Христов, сиянием евангельским сердца многих увеселяяй.
  • Радуйся, Иоанне, земли Российския молитвенниче предивный.
  • Кондак 11

Песнь достохвальную приносим ти, отче Иоанне, всем житием твоим Бога прославльшему. И якоже на земли за всех и за вся Владыку мира умолял еси, сице и ныне на Небеси вознеси молитвы твоя, да во отечествии нашем присно воспевается Богу победная песнь: Аллилуиа.

  1. Икос 11
  2. Светозарную свещу вемы тя, Богом избрание отче Иоанне, ты бо и по отшествии от земных к Небесным у Престола Божия в сонме святых и сил ангельских о нас присно ходатайствуеши. Сего ради благодарственно взываем ти сице:
  3. Радуйся, яко в подвизе твоем Имя Пресвятыя Троицы дивно прославися;
  4. радуйся, яко благочестием и верою твоею Церковь Христова украсися.
  5. Радуйся, пастырей богомудрый наставниче;
  6. радуйся, инокинь добрый учителю.
  7. Радуйся, супруги соуз брачный свято хранити поучавый;
  8. радуйся, чада почитати родители своя увещававый.
  9. Радуйся, яко состраданием твоим к ближним скорби и печали утоляются;
  10. радуйся, яко молитвами твоими грешницы на путь спасения обращаются;
  11. Радуйся, Иоанне, земли Российския молитвенниче предивный.
  12. Кондак 12

Благодатных даров Духа Святаго исполни тя Господь, отче наш Иоанне, имиже ревностно послужил еси народу Божию. Вознеси молитву к Богу и о нас, да, веры, надежды и любве достигше, причастницы жизни во Христе будем и сподобимся воспевати благодарственную песнь: Аллилуиа.

  • Икос 12
  • Поюще твое достохвальное житие на земли и славу, юже стяжал еси на Небеси, отче Иоанне, притекаем во обитель тобою созданную и припадаем к гробнице твоей, от неяже исцеления и помощь улучающе, возглашаем ти сицевая:
  • Радуйся, проповедниче изрядный, пророком и апостолом добре поревновавый;
  • радуйся, пастырю земли Российския, Богом избранный и прославленный.
  • Радуйся, обитель преподобнаго покровителя твоего Иоанна Рыльскаго дивно устроивый;
  • радуйся, обителию сею град святаго Петра славно украсивый.
  • Радуйся, в возсозданную обитель инокини собираяй;
  • Радуйся, яко отец чадолюбивый, присное попечение о них имеяй.
  • Радуйся, всем притекающим к тебе скорое вспоможение подаваяй;
  • Радуйся, образ добраго пастыря словом, житием и верою нам явивый.
  • Радуйся, Иоанне, земли Российския молитвенниче предивиый.
  • Кондак 13

О, святый праведный отче Иоанне, всероссийский светильниче и предивиый чудотворче! Приими хвалебное сие пение наше и умоли Христа Бога Церковь святую в благочестии утвердити, единство в союзе мира и любве Христовы соблюсти, да и мы воспоем с тобою Богу: Аллилуиа.

  1. Сей кондак глаголи трижды.
  2. Посем икос 1 и кондак 1.
  3. Молитвако святому праведному Иоанну,
  4. пресвитеру Кронштадтскому, чудотворцу

О великий чудотворче и предивный угодниче Божий, богоносне отче Иоанне! Призри на нас и внемли благосердно молению нашему, яко великих дарований сподоби тя Господь, да ходатаем и присным молитвенником за нас будеши. Се бо страстьми греховными обуреваеми и злобою снедаеми, заповеди Божия пренебрегохом, покаяния сердечнаго и слез воздыхания не принесохом, сего ради многим скорбем и печалем достойни явихомся.

Ты же, отче праведне, велие дерзновение ко Господу и сострадание к ближним своим имея, умоли Всещедраго Владыку мира, да пробавит милость Свою на нас и потерпит неправдам нашим, не погубит нас грех ради наших, но время на покаяние милостивно нам дарует.

О святче Божий, помози нам веру православную непорочно соблюсти и заповеди Божий благочестно сохранити, да не обладает нами всякое беззаконие, ниже посрамится Правда Божия в неправдах наших, но да сподобимся достигнути кончины христианския, безболезненныя, непостыдныя, мирныя и Тайн Божиих причастныя.

Ещё молим тя, отче праведне, о еже Церкви нашей Святей до скончания века утвержденней быти, отечеству же нашему мир и процветание в Правде Божией испроси и от всех зол сохрани, да тако народи наши, Богом храними, в единомыслии веры и во всяком благочестии и чистоте, в лепоте духовнаго братства, трезвении и согласии свидетельствуют: яко с нами Бог! В Немже живем, и движемся, и есмы, и пребудем во веки. Аминь.

Молитва

О, святый праведный отче Иоанне, Всероссийский светильниче и предивный чудотворче! Ты от младенческих лет Богом избран был еси и, духом пламенея, яко истинный пастырь, житием, словом, любовию, верою, чистотою людем послужил еси.

Сего ради молим тя, праведный отче: моли Человеколюбца Бога Церковь святую миром и тишиною оградити, землю Российскую во благоденствии сохранити, пастыри благодати и истины преизобильно исполнити, власти умудрити, православное воинство укрепити, немощныя исцелити, развращенный исправити, юныя воспитати, старцы и вдовицы утешити и нам всем во Царствии Небеснем сподобитися со всеми святыми прославляти Отца и Сына и Святаго Духа ныне и присно и во веки веков. Аминь.

Источник: https://mepar.ru/library/vedomosti/42/482/

Ссылка на основную публикацию